6 Na Artistang Graduate Na Summa, Magna, at Cum Laude

Hindi maitatangging marami sa mga fans ang humahanga sa kanilang idol celebrities dahil sa kanilang angking talento pati na sa kanilang its...

Hindi maitatangging marami sa mga fans ang humahanga sa kanilang idol celebrities dahil sa kanilang angking talento pati na sa kanilang itsura. Kaya naman, bibihira sa mga fans ang hindi nakakaalam sa mga artistang nagtapos sa kolehiyo nang may karangalan.

Sa artikulong ito, pag-uusapan natin ang mga artistang graduate na summa, magna, at cum laude sa college.

Paula Peralejo

Alam mo bang bukod sa maganda na ang kapatid ni Rica Peralejo na si Paula, matalino pa ito? Nagtapos siya ng Magna Cum Laude noong 2008 sa kursong Bachelor of Science in Philosophy with Tourism Minor sa University of the Philippines, ang premiere na eskwelahan sa Pilipinas. Siya na ngayon ang nagmamay-ari ng travel agency na "Our Restless Feet Travel and Tours."

Photo: mama_the_explorer / Instagram

Shamsey Supsup

Matatandaang itinayo ni Shamcey ang bandila ng Pilipinas nang tanghalin siyang 3rd Runner-Up sa Miss Universe ilang taon na ang nakalilipas. Ngunit, bihira ang nakakaalam na siya ay nagtapos ng Magna Cum Laude sa pareho ring unibersidad sa kursong Architecture. Bukod doon, number one siya sa Philippines Licensure Examination for Architects noong 2010. Siya rin ay Valedictorian noong siya ay nasa Elementary at Salutatorian naman noong nasa High School siya.

Photo: shamceysupsup / Instagram

Ate Glow

Nakilala ng fans si Ate Glow bilang isang comedian na nag-i-impersonate kay dating pangulong Gloria Macapagal-Arroyo. Ngunit, iilang fans lang din ang nakakaalam na siya rin pala ay nagtapos ng Cum Laude sa University of the Philippines ng kursong Film. Astig 'di ba? Sa ngayon, kasal si Ate Glow sa lalaking nakilala niya sa London.

Anna Theresa Licaros

Noong taong 2007, umalingawngaw ang pangalan ni Anna Theresa bilang representative ng Pilipinas sa Miss Universe. Bukod doon, nagtapos din siya sa kursong Broadcast Communication sa University of the Philippines na Summa Cum Laude, at nakapagtala ng GWA na 1.161. Salutatorian din siya sa UP College of Law. Sa ngayon, siya na ay isang abogado.

Larawan ni Anna Theresa noong grumaduate sa UP Diliman

Yasmien Kurdi

Unang nakilala sa reality TV show na StarStruck, si Yasmien ay nagtapos na Magna Cum Laude sa Arellano University sa kursong Political Science. Bago nito, nag-aral din siya ng kursong Foreign Service sa New Era University gayunding ng kursong Nursing sa Global City Innovative College. Inspirasyon siya ngayon ng maraming mga kabataan dahil sa kaniyang sipag sa pag-aaral.

Photo: Yasmien Kurdi / Instagram

Myrtle Sarrosa

Cum Laude rin nang grumaduate si Myrtle sa University of the Philippines sa kursong Broadcast Communication. Pinatunayan niya na sa kabila ng kaniyang pagiging abala sa kaniyang career, nakaya pa ring niyang magtapos with flying colors. Unang sumikat ang aktres sa "Pinoy Big Brother" at nakasama na rin sa iba't ibang TV shows, kagaya ng "Ang Probinsiyano," "Forevermore," "Your Face Sounds Familiar," at napakarami pang iba.

Photo: myrtlegail / Instagram

Ilan lamang sila sa mga Pinoy celebrities na grumaduate nang may karangalan noong nasa kolehiyo sila. Patunay lang na sa kabila ng kanilang pagiging abala sa kani-kanilang showbiz career, nakaya pa rin nilang magtagumpay sa ibang larangan. Gayundin, kung may pagsisikap, talagang ang kaagapay ay tagumpay.

Ikaw, may kilala ka bang ibang artistang grumaduate din bilang summa, magna, at cum laude noong college? Mag-comment na sa ibaba.